ಚ೦ದಮಾಮನ ಅ೦ಗಳದಲ್ಲಿ

ಮನದಾಳದ ಮಾತುಗಳು

2011-12-15T03:17:00.000-08:00

ಆತ್ಮೀಯ ಬ್ಲಾಗ್ ಸ್ನೇಹಿತರೆ ,,,

ಜೀವನದ ಒಂದು ಅದ್ಯಾಯವನ್ನು ಮುಗಿಸಿ ಇವಾಗಷ್ಟೇ ಹೊರ ಪ್ರಪ೦ಚಕ್ಕೆ ಕಾಲು

ಇಡುತ್ತಿದ್ದೇನೆ..ಸುಖ ಸಂತಸದ ನಡುವೆ ಕುಶಿಯಾಗಿದ್ದ ನನ್ನ ಜೀವನ ,,,,,,ಎಲ್ಲ ಮುಗಿದು ಹೋಯಿತು ಅನ್ನುವಷ್ಟಕ್ಕೆ ಬ೦ದು ನಿ೦ತಿತ್ತು ..

ನಾ ಮಾಡಿದ ಒಂದು ಚಿಕ್ಕ ತಪ್ಪಿನಿಂದ ಏನೆಲ್ಲಾ ಅನಾಹುತ ಅಯಿತೆ೦ದರೆ ಅದನ್ನು ನೆನಪಿಸಿ ಮತ್ತೆ ಮತ್ತೆ ಕೊರಗುವ ಪಾಡು ಇವಾಗ ನನ್ನದಾಗಿದೆ,,,,ನಿಮಗೆಲ್ಲ ಒಳ್ಳೆಯದಾಗಲಿ ಎಂಬ ಆಶಯದಿ೦ದ ನನ್ನ ಎರಡು ಕಿವಿಮಾತು,,,,

ನನ್ನ ಈ ಅನುಭವದಿ೦ದ ನಾ ಕಲಿತ ಪಾಠ ಗಳು :

ಯಾರನ್ನು ಕೂಡ ಕಡೆಗಣಿಸ ಬೇಡಿ .

ಯಾವುದನ್ನೂ ಅಲಕ್ಷಿಸ ಬೇಡಿ

ಅಹಂ ಯಾವತ್ತಿಗೂ ಒಳ್ಳೆಯದಲ್ಲ

ನ೦ಬಿದ ದೇವರು ಯಾವತ್ತು ಕೈ ಬಿಡುವುದಿಲ್ಲ.ನಮ್ಮಿ೦ದಾದ ತಪ್ಪಿಗೆ ದೇವರನ್ನು .ದೂರಬೇಡಿ ,,,

ನಾವು ತಿಳಿದು ತಿಳಿದು ಮಾಡಿದ ತಪ್ಪಿಗೆ ಶಿಕ್ಷೆ ಅನುಭವಿಸಲೇಬೇಕು..

ಯಾವತ್ತು ಯಾರಿಗೂ ಮೋಸ ಮಾಡಬೇಡಿ .

ನಾವು ಮಾಡಿದ ಪಾಪಕ್ಕೆ ಇ ಜನ್ಮದಲ್ಲೇ ಶಿಕ್ಷೆ ಆಗುತ್ತೆ.........ಇನ್ನೊ೦ದು ಜನ್ಮ ಕಾಯಬೇಕಾಗಿಲ್ಲ..

ಓ ನನ್ನ ಮನಸೇ.

2011-07-04T02:00:00.001-07:00

ಓ ನನ್ನ ಮನಸೇ  

ಕನಸು ಕಾಣುವುದಿದ್ದರೆ

ಕಣ್ಣು ಮುಚ್ಚಿ ಕೊಳ್ಳ ಬೇಡ,,

ನನಸು ಆಗದಿದ್ದಾಗ ಇ 

ಕಣ್ಣಲ್ಲಿ ನೀರು ಬರಬಾರದು 

ನಗಬೇಕನಿಸಿದರೆ ಮನದಲ್ಲೇ 

ನಕ್ಕು ಬಿಡು

ನೊಂದ ಮೊಗದ ನಗು ಇ 

ಕಣ್ಣಿಗೆ ಕಾಣಲಾಗದು..  

ಹಾಡ ಬೇಕೆನಿಸಿದರೆ 

ಮೌನ ರಾಗವೇ ಸಾಕು

ಶ್ರುತಿಯ ಅಪಸ್ವರ 

ಕಿವಿಗೆ ಕೇಳಲಾಗದು

ಒನ್ಸ್ ಮೋರ್ ಹಾಡು..

2011-06-09T00:43:00.000-07:00

ಒಂದು ಸ೦ಗೀತ ಗೋಷ್ಠಿ ನಡೆದಿತ್ತು.ಬೆಳಗಿನಿ೦ದ ಸ೦ಜೆವರೆಗೆ ಅನೇಕ

ಗಾಯಕರು ಹಾಡುವವರಿದ್ದರು.. ಅವರೇ ಮುಖ್ಯ ಪ್ರೇಕ್ಷಕರು ಸಹ..

ಸ೦ಜೆ ಹೊತ್ತಿಗೆ ಅವರೆಲ್ಲ "ತಮ್ಮಲ್ಲಿ ಉತ್ತಮ ಗಾಯಕ ಯಾರು?"

ಎ೦ದು ನಿರ್ಧರಿಸಲು ಬೇಕಿತ್ತು..

ಸರದಿಯ೦ತೆ ಗಾಯಕರು ವೇದಿಕೆಗೆ ಬ೦ದು ಗಾಯನ ಮಾಡುತ್ತಿದ್ದರು

.ಆಲಿಸುವವರು ಆಲಿಸುತ್ತಿದ್ದರು ..

ಒಬ್ಬಾತ ಎಲ್ಲಿ೦ದಲೋ ಬಂದವ..ತಾನು ಹಾಡ ಬಯಸಿದ.. ಇವರೆಲ್ಲ

ಮುಜುಗರ ಪಟ್ಟು ಕೊ೦ಡರೂ ಹಾಡಲು ಅವಕಾಶ ಮಾಡಿ ಕೊಟ್ಟರು.

ಅವನು ಹಾಡಿದ ಹಾಡುಗಾರಿಕೆ ಭಯ೦ಕರವಾಗಿತ್ತು. ಸಾಹಿತ್ಯವಾಗಲಿ ,

ರಾಗವಾಗಲಿ ತಾಳವಾಗಲಿ ಏನು ಇಲ್ಲದ ಕತ್ತೆಯ ಕಿರುಚಾಟಕ್ಕಿ೦ತಲೂ

ಕೆಟ್ಟದಾಗಿತ್ತು. ಹಾಗಿದ್ದು ಅವನು ಹಾಡು ಮುಗಿಸಿ ನಿಲ್ಲಿಸುತ್ತಿದ್ದ೦ತೆ ಸಭಿಕರು

"ಒನ್ಸ್ ಮೋರ್" ಎ೦ದು ಕೂಗುಹಾಕಿದರು...

ಇವನಿಗೆ ಆಶ್ಚರ್ಯ .. ತಾನು ತನಗೆ ಹಾಡಲು ಬರುವುದಿಲ್ಲ ಎ೦ದು ತಪ್ಪು

ತಿಳಿದಿದ್ದೆನೆ?. ಗಾಯಕರೇ "ಒನ್ಸ್ ಮೋರ್ " ಎನ್ನುತ್ತಿದ್ದಾರಲ್ಲ

ಎ೦ದು ಯೋಚಿಸಿದ.

ಮತ್ತೆ ಹಾಡಿದ.. ಇನ್ನೊದು ಹಾಡಿದ.. "ಕತ್ತೆಯ ಕಿರುಚಾಟಕ್ಕೆ ಹೋಲಿಕೆ

ಇರಲಿ..ಅದಕ್ಕಿ೦ತಲೂ ವಿಪರೀತವಾಗಿದೆ..." ಎ೦ದೂ ಸಹ

ಹೇಳಲಾಗದಷ್ಟು ಭಯ೦ಕರವಾಗಿತ್ತು ಈ ಹಾಡುಗಾರಿಕೆ..

ಮತ್ತೆ ಸಭಿಕರು ಕೂಗಿದ್ದು "ಒನ್ಸ್ ಮೋರ್ " ಎ೦ದೇ

ವ್ಯಕ್ತಿ ಮತ್ತೆ ಹಾಡಿದ ..ಮತ್ತೆ ಸಭಿಕರು "ಒನ್ಸ್ ಮೋರ್"

ಎ೦ದರು

ಈಗ ಇವನಿಗೆ ಏನೋ ಸ೦ಶಯ ತೋರಿತು.. ಕೇಳಿದ.."ಅಣ್ಣ೦ದಿರೆ ,

ನನ್ನ ಹಾಡುಗಾರಿಕೆ ನಿಮಗೆ ಇಷ್ಟೊಂದು ಇಷ್ಟವಾಯಿತೇ .. ? ಎಷ್ಟು ಸಲ

.. ಹೀಗೆ "ಒನ್ಸ್ ಮೋರ್" "ಒನ್ಸ್ ಮೋರ್ " "ಒನ್ಸ್ ಮೋರ್"

ಎ೦ದು ಕೂಗುತ್ತೀರಿ ... ಎ೦ದ ಕುಶಿಯಿ೦ದ..

ಆಗ ಸಭಿಕರಲ್ಲಿ ಒಬ್ಬ ನಡು ವಯಸ್ಸಿನವ " ಅಲ್ಲ ಕಣಪ್ಪ ಮಗನೆ,"

ನೀನು ಅಚ್ಚು ಕಟ್ಟಾಗಿ ಹಾಡುವವರೆಗೂ ನಿನ್ನನ್ನು ನಾವು ಬಿಡುವುದಿಲ್ಲ

..ಅಲ್ಲಿಯವರೆಗೂ ನಿನ್ನ ಕೈಯಿ೦ದ ಹಾಡಿಸುತ್ತಲೇ ಇರುತ್ತೇವೆ.

ಗೊತ್ತಾಯಿತಾ.. ಎಲ್ಲಿ, ಸ್ವಲ್ಪ ಶ್ರುತಿ,ಗತಿ, ಇವುಗಳನ್ನು

ಪಾಲಿಸಿಕೊ೦ಡು ಕೀರ್ತನೆ ಹಾಡು ನೋಡೋಣ.. ..

ಎ೦ದಾಗ ,!!!!!!!!!!!!

ವ್ಯಕ್ತಿಗೆ ತನ್ನ ಮೇಲೆ ಮೂಡಿದ್ದ ಗರ್ವವೆಲ್ಲ ನೀರಾಗಿ ಇಳಿಯಿತು........

. ಪ್ರೀತಿಯ ..... ನಡುವೆ...........

2011-06-08T23:15:00.000-07:00

ಇ೦ದಿನವರ ಪ್ರೀತಿ ಹೇಗೆ ಅ೦ದರೆ

ಕಲ್ಲಿನೊಳಗೆ ಜೇನಿರುವ ಹಾಗೆ. ಅ೦ಥ

ಜೇನನ್ನು ಯಾರಾದರು ಹೇಗೆ ಸವಿಯೋದು ?

ಜೇನು ನಮ್ಮ ಕೈಲಿದ್ದರೆ ಮಾತ್ರವೇ ಅದನ್ನು

ನೆಕ್ಕಿ ಸವಿಯ ಬಹುದು .. ಇದೇ ರೀತಿ

ಪ್ರೀತಿಯನ್ನು ಒಳಗೆ ಅದುಮಿಟ್ಟು ಕೊ೦ದರೆ

ಆಗದು. ಸೂಕ್ತ ಸಮಯದಲ್ಲಿ ಅದು ಪ್ರಕಟವಾಗಬೇಕು

ಗ೦ಡನಿಗೆ ತನ್ನ ಅಗತ್ಯವಿದೆ ,,,, ಪ್ರಿತಿಯಿದೆ,,, ಎ೦ದು ತಿಳಿದ

ಹೆಣ್ಣು ಪರಿಪೂರ್ಣ ಸುಖಿಯಾಗಿರುತ್ತಾಳೆ.

ತಾನು ಬೇಡವೆ೦ದು ತಿಳಿದರೆ ಆ ಹೆಣ್ಣು ಆಧಾರ ಸಹಿತ ಕಳಚಿ ಬಿದ್ದ

ಬಳ್ಳಿಯ೦ತೆ ಕುಸಿಯುತ್ತಾಳೆ .

ಗ೦ಡನ ಪ್ರೀತಿಯ ಒ೦ದು ಹನಿ ತನ್ನತ್ತ ಹರಿದಿದ್ದರೆ ಹೆಣ್ಣಿನ ಪಾಲಿಗೆ

ಅದೇ ಕ್ಷೀರ ಸಾಗರ

ದ್ವೇಷವನ್ನು ನಾಶ ಮಾಡದ ಹೊರತು ಪ್ರೀತಿಯನ್ನು ಗೆಲ್ಲಲ್ಲಾಗದು....

ಗ೦ಡನ ಹೃದಯದಲ್ಲಿ ಪ್ರೀತಿ ಇದ್ದರೆ ಆದ್ದರಿ೦ದ ಹೆ೦ಡತಿಗೆ ಯಾವ

ರೀತಿಯಲ್ಲಿಯೂ ಸ೦ತೋಷ ದೊರಕುವುದಿಲ್ಲ. ಅದೇ ರೀತಿ

Add caption

ಹೆ೦ಡತಿಯ ಪ್ರೀತಿ ಅವಳ ಹೃದಯದಲ್ಲಿ ಮಾತ್ರ

ಇದ್ದರೆ ಏನು ಪ್ರಯೋಜನ?

ನಮ್ಮಲ್ಲಿ ಪ್ರೀತಿ ಪ್ರೇಮ ಇದ್ದರೆ ಮಾತ್ರ

ಸಾಲದು. ಅದು ಪ್ರಕಟವಾಗಲೇಬೇಕು,,,

ನಾನು ಟೀ.ವಿ ಆಗ ಬಯಸುವೆ ,,

2011-06-07T22:50:00.000-07:00

( June 2011 Maatruvaani )

ಬಾಲಕಿ ದಿನಾ ಕಾಯುತ್ತಿದ್ದಳು . ಇವತ್ತು ಅಮ್ಮ ನನ್ನ ಪ್ರೀತಿ ಮಾಡುತ್ತಾಳೆ ,

ಇವತ್ತು ನನ್ನ ಜೊತೆ ಮಾತಾಡುತ್ತಾಳೆ , ನನ್ನನ್ನು ತೊಡೆ ಮೇಲೆ ಕೂರಿಸಿ

ಕೊಳ್ಳುತ್ತಾಳೆ. ..... ಅ೦ತ.

ದಿನಾ ಸಾಯ೦ಕಾಲ ಸ್ಕೂಲಿನಿ೦ದ ಮನೆಗೆ ಬರುವಾಗ ಕನಸು ಕಾಣುತ್ತಾಳೆ

..ಅಮ್ಮ ಇಷ್ಟು ಹೊತ್ತಿಗೆ ಆಫೀಸಿನಿ೦ದ ಬ೦ದಿರುತ್ತಾಳೆ ,,,ತಿ೦ಡಿ

ಮಾಡಿರುತ್ತಾಳೆ .ನಾನು ಮನೆಗೆ ಬರುವುದನ್ನೇ ಕಾಯುತ್ತಿರುತ್ತಾಳೆ. ನಾನು

ಬಾಗಿಲಿಗೆ ಹೋದ ತಕ್ಷಣ ಅಮ್ಮನೇ ಬ೦ದು ಬಾಗಿಲು ತೆರೆದು ನನ್ನನ್ನು

ಎತ್ತಿಕೊಂಡು ಒಳಗೆ ಕರೆದುಕೊ೦ಡು ಹೋಗುತ್ತಾಳೆ..ಸ್ಕೂಲಿನ ಕಥೆಯನ್ನೆಲ್ಲ

ಕೇಳುತ್ತಾಳೆ.

ನಾನು ಓಡುವಾಗ ಬಿದ್ದಿದ್ದು ಹೇಳಬೇಕು. ಮೊಣಕಾಲು ಕೆತ್ತಿ

ಹೋಗಿರುವುದನ್ನು ತೋರಿಸಬೇಕು.ಆಗ ಅಮ್ಮ "ಹಾ೦" ಎ೦ದು

ಬೆದರುತ್ತಾಳೆ ಮತ್ತೆ "ಉಫ್ !" ಎ೦ದು ಉರುಬುತ್ತಾಳೆ. ಆಗ ನನಗೆ

ತಣ್ಣಗಾಗುತ್ತೆ . ಅಮ್ಮನನ್ನು ತಬ್ಬಿಕೊಂಡು ಮುತ್ತು ಕೊಡುವೆ !

ಹೀಗೆ ಬಾಲಕಿಗೆ ತಾಯಿಯ ಬಗ್ಗೆ ದಿನಕ್ಕೊ0ದು ಕನಸು.

ಆದರೆ ಪ್ರತಿ ದಿನವೂ ನಡೆಯುತ್ತಿದ್ದುದೆ ಬೇರೆ.

ಅಮ್ಮನಿಗೆ ತಾನಾಯಿತು...ತನ್ನ ಮೊಬೈಲ್, ಮತ್ತು ಟೀ.ವಿ ಆಯಿತು!

ನಿ೦ತಾಗ ಕು೦ತಾಗ ಫೋನಿನಲ್ಲಿ ಮಾತಾಡುತಿ

ರುತ್ತಾಳೆ ..ಅವಳು ಮನೆಯಲ್ಲಿದ್ದರೆ ಸಾಕು.. , ಟೀ.ವಿ ನೋಡುತ್ತಿರಲಿ ,

ಇಲ್ಲದಿರಲಿ - ಅದು ಸದಾ ಹಚ್ಚೇ ಇರುತ್ತದೆ. ಫೋನಿನಲ್ಲಿ ಮಾತಾಡದೇ ಇದ್ದಾಗ

ಅಮ್ಮ ಖ೦ಡಿತಾ ಟೀ.ವಿ ನೋಡುತ್ತಾ ಇರುತ್ತಾಳೆ ,,

ಸಾಕಾಗುವವರೆಗೆ ಟೀ.ವಿ ಮು೦ದೆ ಕೂತಿರುತ್ತಾಳೆ . ಮಧ್ಯೆ ಮಧ್ಯೆ " ಏಯ್ ,

ಆಯ್ತೇನೆ ನಿನ್ನ ಹೋಂ ವರ್ಕ್!" ಎ೦ದು ಕೂಗುತ್ತಾಳೆ. ನಾನು ಆಯಿತು

ಎ೦ದರೂ ಸರಿ , ಅಮ್ಮ ಎನೂ ಹೇಳಲ್ಲ . " ಈ ಪ್ರಾಬ್ಲೆಮ್ ಅರ್ಥ ಅಗ್ತಾ ಇಲ್ಲ "

ಅ೦ತ ಹೇಳಿದರೂ ಅಮ್ಮನಿಗೆ ಎನೂ ಕೇಳಿಸಲ್ಲ .,

ಹತ್ತು ಗ೦ಟೆ ಆದಾಗ , " ಲೈಟ್ ಆರಿಸಿ , ನಡಿ ಮಲಕ್ಕೋ " ಅ೦ತಾಳೆ.

ತಾನು ಹನ್ನೂ೦ದೋ ಹನ್ನೆರಡೋ ಹೊಡಿ ಯುವವರೆಗೂ ಕತ್ತಲಲ್ಲಿ ಆ ಟೀ.ವಿ

ಮು೦ದೆ ಕೂತಿರುತ್ತಾಳೆ "ಮಮ್ಮಿ ನೀನು ಬಾ " ಅ೦ತ ಕರೀತಾಳೆ ಬಾಲಕಿ .

ಮುದ್ದು ಮುದ್ದಾಗಿ ಕೈ ಮಾಡಿ ಕರಿತಾಳೆ ಬಾಲಕಿ . "ಪ್ಲೀಸ್ ಅ೦ತಾಳೆ ,,,, ಆಗ

ಅಮ್ಮನ ಮನಸ್ಸು ಸ್ವಲ್ಪ ಕರಗುತ್ತೆ. " ಡಾರ್ಲಿ೦ಗ್ , I ಲವ್ ಯು ಅ೦ತಾಳೆ

. 'ಹೋಗಮ್ಮ ಜಾಣೆ , ಮಲಕ್ಕೋ , ನಾಳೆ ಸ್ಕೂಲಿಗೆ ಹೋಗಬೇಡ್ವೆ ' ಅ೦ತ

ಒಂದು ಸವಿಯಾದ ಮಾತು , ಕೂತಲ್ಲಿ೦ದ ಹೇಳ್ತಾಳೆ ,,ಮತ್ತೆ ಟೀ.ವಿ ಯಲ್ಲಿ

ಮುಳುಗಿ ಹೋಗ್ತಾಳೆ ,, ಮು೦ದೆ ಎನೂ ಹೇಳಿದರು ಕೇಳಿಸಲ್ಲ !

ಇವತ್ತು ಬಾಲಕಿಗೆ ತಾಯಿಯ ಹತ್ತಿರ ಹೇಳಬೇಕಾದ್ದು ಎಷ್ಟೊ೦ದು ಇತ್ತು, ನಾಳೆ

ಸ್ಕೂಲಲ್ಲಿ ಸರ್ಪ್ರೈಸ್ ಟೆಸ್ಟ್ ಇದೆ,, ಹೇಳ ಬೇಕು ಎನ್ನಿಸುತ್ತೆ . ಆದರೆ ಅಮ್ಮ

ದಿನ ಇರುವ ಹಾಗೆ ತನ್ನ ಪಾಡಿಗೆ ತಾನಿದ್ದಾಳೆ ..

******************

ಸ್ಕೂಲಿನಲ್ಲಿ ಸರ್ಪ್ರೈಸ್ ಟೆಸ್ಟ್ ನಲ್ಲಿ ಒಂದು ಪ್ರಶ್ನೆ ..
"ನೀವು ದೊಡ್ಡವರಾದ ಮೇಲೆ ಏನಾಗ ಬಯಸುತ್ತೀರಿ ? ವಿವರಿಸಿರಿ ?
ಬಾಲಕಿ ತನ್ನ ಮುದ್ದು ಅಕ್ಷರಗಳಲ್ಲಿ ಬರೆದಳು ..

"ನನಗೆ ನಾನು ಒ೦ದು ಟೀ.ವಿ ಆಗಲು ಇಷ್ಟ. ಯಾಕೆ೦ದರೆ ಆಗ

ಅಮ್ಮ ನನ್ನನ್ನು ನೋಡುತ್ತಾಳೆ .. ಅದಕ್ಕೆ ."

2011-05-23T02:28:00.001-07:00

ಕನಸು ಕಾಣುವ ಕ೦ಗಳಿಗೆ

ಅಡ್ಡ ಬ೦ದ ಕರಿ ನೆರಳು

ಹಾಡುತ್ತಿದ್ದ ಮಧುರ ಹಾಡಿಗೆ

ಅಪಶ್ರುತಿಯಾದ ಪಲ್ಲವಿ

ಮಿಡಿಯುತಿದ್ದ ಭಾವಗಳಿಗೆ

ಕಟು ಮಾತುಗಳ ಕೊಡಲಿಯೇಟು

ಬಿರು ನುಡಿಯುವ ನಾಲಗೆಗೆ
ಚೂಪು ನೋಟದ ದೃಷ್ಟಿಗೆ..

ಮನಸು ನೊಂದು ಹಾಡುತಿದೆ
ಮೌನ ರಾಗ.

2011-04-30T01:16:00.000-07:00

ಮನಸುಗಳ ಮಾತು

ಖಾಲಿಖಾಲಿ
ಹೃದಯದ ಬಡಿತಕೆ
ಮೌನದ ಬೇಲಿ
ಹಾಡುವುದು ಯಾವಾಗ..
ಪ್ರೀತಿಯ ಲಾಲಿ

ಉಸಿರು ನಿಲ್ಲುವ ಮೊದಲು
ಹೃದಯ ಮಿಡಿಯುವುದೇ :??

ಬೆ೦ದು ಬೇಯುವ ಮನಕೆ

ನೀಡುವುದೇ ತಂಪು ?

ಕಾದು ಕಾದು ಬಸವಳಿದಿದೆ ಮನ

ಒಂದೊಮ್ಮೆ ಅನಿಸುವುದು ಹೋಗಿ

ಬಿಡಲಿ ಪ್ರಾಣ !!!!!!!!!!!!!!!!!!!

ಅಳಬೇಡ..ಪಾಪಚ್ಚ್ಚಿ ನೀನು......

2010-11-03T01:23:00.000-07:00

ಅಳಬೇಡ..ಪಾಪಚ್ಚ್ಚಿ ನೀನು......

ಹೆಣ್ಣಿಗೆ ಕೂದಲು ಉದ್ದ ಇದ್ರೆ ಎಷ್ಟು ಮುದ್ದಾಗಿರುತ್ತೆ ಅಲ್ವ..

ಸೊಂಟ ಬಳುಕಿಸ್ಕೊ೦ಡು ಕುಲುಕಿಸ್ಕೊ೦ಡು ,,,,,,,

                ನಡೆಯುತಿದ್ರೆ,,,,... ಹೇಗೆ ಚ೦ದ ಕಾಣಿಸುತ್ತೆ

                ಅಲ್ವ......ಆದ್ರೆ ..ಇವಾಗ ಜಸ್ಟ್ ಕಟ್ ....


                 ಅ ಶೇಪ್ ,,ವಿ ಶೇಪ್.....  ಯು ಶೇಪ್.............ಲಾಸ್ಟ್ ಗೆ.. ನೋ ಶೇಪ್ ಅಟ್ ಆಲ್.........

2010-10-22T03:42:00.000-07:00

ನೆನಪಿನ ಸುತ್ತ ಮನಸ್ಸಿನ ಪ್ರದಕ್ಷಿಣೆ
ಹೃದಯದ ಒಳಗೆ ಏನೋ ವೇದನೆ //

ಕಣ್ಣ೦ಚಿನಲಿ ನೀರಿನ ಬಿಂದು
ಮೈ ಮನದ ದಾಹ ತೀರುವುದು ಎ೦ದೋ //

ಕಟ್ಟಿಕೊಂಡ ಕನಸು ಒ೦ದಾಗದ ಮನಸು
ಬದುಕಿನ ಪಯಣ ಮುಗಿಯದ ಕದನ //

ಮನಸಿನಲ್ಲಿ ಒಂದು ಮಾತಿನಲ್ಲಿ ಒಂದು ,,,,,
ಎರಡು ಒಂದೇ ಆಗಿದ್ದರೆ...

,ಸ್ವಾರ್ಥ .... ರಹಿತ ಜಗತ್ತು ನಮ್ಮದಾಗಿದ್ದರೆ.......
ಎಷ್ಟೊಂದು ಸುಂದರವಾಗಿರುತಿತ್ತು ಈ ಬಾಳು..

ಅಮ್ಮ ನಿನ್ನ ತೋಳಿನಲ್ಲಿ ..ಕ೦ದಾ ನಾನು .................

2010-06-30T23:04:00.000-07:00

ಜಾರಿ ಬೇಳದ೦ತೆ ಮೆಲ್ಲ ಅವಚಿಕೋ ಕೂಸ,,,

ನಿನ್ನ ಮಡಿಲೇ ಅಮ್ಮ ಎಂದು ನನಗಾಸರೆ,,,,,,,,,,,

ಅಮ್ಮ,,,,ಎನ್ನುವ ಎರಡಕ್ಷರದಲಿ......ಏನೋ ..ಶಕ್ತಿ......

ಇವರ್ಯಾರು ಗೊತ್ತಾ...

2010-06-03T02:06:00.000-07:00

ಈ ಸೌಂದರ್ಯ ........ ಶಾಶ್ವತವೆ ,,,,,,,,,,,,,,,,,,,,,,,,,,ಎಂದಿಗೂ ,,,,,,,,,,,,,,,,ಇಲ್ಲ.................

ಇವರ್ಯಾರು ಗೊತ್ತಾ... ...ವಿಶ್ವದ ಮೊತ್ತ ಮೊದಲ ವಿಶ್ವ ಸುಂದರಿ..
ಇವಾಗ ಹೇಗಿದ್ದಾರೆ ಗೊತ್ತಾ ........... ಹೀಗೆ.........

ಸೊ ನಾನು ಹೇಳೋದು ಏನಪ್ಪಾ ಅಂದ್ರೆ.............ಸೌಂದರ್ಯಕ್ಕೆ ಬೆಲೆ ಕೊಡಬೇಡಿ ,,,,,

ಮನಸ್ಸಿನ ಮೌಲ್ಯಕ್ಕೆ ಬೆಲೆ ಕೊಡಿ.....ಭಾವನೆಗಳಿಗೆ ಬೆಲೆ ಕೊಟ್ಟು ಗೌರವಿಸಿ...................

ಗೆಳತಿ ,,,,,ಓ ಗೆಳತಿ ,,, ಅರ್ಥ ಮಾಡಿಕೋ ,,,,,ಇದನ್ನ .....ಅರ್ಥ ಮಾಡಿಕೊ..

2010-05-22T03:30:00.000-07:00

ನಿನಗಾದ ದ್ರೋಹಕ್ಕೆ ಒಂದು ಚಿಕ್ಕ ಸಾಂತ್ವನ :

ಮನಸ್ಸು ತುಂಬ ನೋಯುತ್ತಿದೆ..

ಕಣ್ಣಲ್ಲಿ ನೀರು ತುಂಬಿ ಬರುತ್ತಿದೆ,,
ಹೃದಯ ಭಾರವಾಗಿದೆ,

ಮನಸು ಮೊರೆಯಿಡುತ್ತಿದೆ..

ಮನದ ಪ್ರೀತಿ ಬತ್ತಿ ಹೋಗಿದೆ..

ಭಾವನೆಗಳೆಲ್ಲ ಬರಿದಾಗಿವೆ..

ಬಿಳಿ ಇದ್ದದ್ದೆಲ್ಲ ಹಾಲಲ್ಲ

ನಗುಮುಖದಲಿ ಇರುವುದು ಪ್ರಿತಿಯಲ್ಲ..

ಬಂಗಾರದ ಜಿ೦ಕೆ ಹಿಂದೆ

ಓಡಿ ಹೋಗ ಬೇಡ ಗೆಳತಿ

ಕೈಲಿರುವ ವಜ್ರದ ನೆನಪು ಮಾಡಿಕೋ

ಮುಳ್ಳಿನ ಗುಲಾಬಿಯೇ ಹಿತವಾಗಿದೆ

ಗಗನ ಕುಸುಮದ ಆಸೆ ಬೇಡ.. ಗೆಳತಿ..

ಸ್ವಾರ್ಥ ಮನಸು ಬರೆ ಕೆಟ್ಟದ್ದು

ಗೆಳತಿ

ಗೋ ಮುಖ ವ್ಯಾಘ್ರರಿರುವ

ಈ ಸಮಾಜದಲ್ಲಿ

ಬದುಕುವುದ ಕಲಿಯೋಕೆ

ತುಂಬ ಕಷ್ಟ ಗೆಳತಿ ..

ಕುಶಿ ಕುಶಿ..ದು:ಖ

2010-05-19T03:37:00.000-07:00

ಕುಶಿ ತುಂಬಾ ಆದರೆ

ಪರ್ವತದ ತುತ್ತ ತುದಿಯಲ್ಲಿ ನಿಂತ ಹಾಗೆ

ಗಾಳಿಯಲಿ ತೇಲುತ ಇರುವ ..

ಗಾಳಿಪಟ ತೇಲಿ ತೇಲಿ

ಹೋದ ಹಾಗೆ

ಜಗತ್ತಿನಲ್ಲಿರುವ ಸಂತೋಷ

ಎಲ್ಲ ನಮ್ಮಲ್ಲೇ ತುಂಬಿ ಕೊಂಡು ಇರೋ ಹಾಗೆ

ಅದೇ...

ದು:ಖ ಅಂದರೆ

ಅ ಪರ್ವತದ ಮೇಲಿಂದ

ದೊಪ್ಪನೆ ಕೆಳಗೆ ಬಿದ್ದಂತೆ ,

ಗಾಳಿ ತುಂಬಿದ ಬಲೂನು

ತುಸ್ಸೆ೦ದು ಒಡೆದು ಹೋದಂತೆ

ಬಣ್ಣ ಬಣ್ಣದ ಚಿತ್ರಕ್ಕೆ

ಕಪ್ಪು ಬಣ್ಣ ಚೆಲ್ಲಿದಂತೆ ..

ಮೌನ

2010-05-10T01:48:00.000-07:00

ಮೌನ
------------

ಉಸಿರು ಕಟ್ಟಿಸುವುದು
ಕಣ್ಣು ತುಂಬಿ ಬರುವುದು
ಹೃದಯ ಭಾರವಾಗುವುದು

******************************************************
ನಗ್ನ ಸತ್ಯ...
-----------

ಬಿಳಿ ಇರುವುದೆಲ್ಲ ಹಾಲಲ್ಲ
ನಗುಮುಖದವರೆಲ್ಲ ಸುಖಿಗಳಲ್ಲ
ಎದೆಯೊಳಗೆ ತುಂಬಿಕೊಂಡು ಹಾಲಾಹಲ
ಮೊಗದಲಿ ನಗುತಿರುವರು ಸದಾ ಕಾಲ.

*****************************************************

ಹನಿ ಹನಿ ಇಬ್ಬನಿ ........

2010-03-28T22:20:00.000-07:00

ಲವ್ ಅಟ್ ಫಸ್ಟ್ ಸೈಟ್..

****************

ನಿಜವಾಗಿಯೂ ಹಕ್ಕಿಯಾಗಿ ಹಾರುತಿದೆ ಅವನ ಮನ...

ಎಷ್ಟೊಂದು ಉಲ್ಲಾಸವಾಗಿದೆ ಈ ದಿನ..

ಎಲ್ಲೆಲ್ಲು ಹಚ್ಹ ಹಸಿರು

ಕಣ್ಣಿಗೆ ಮುದ ನೀಡುವ ನೋಟ..

ಎಲ್ಲ ದಿನಗಳು ಹೀಗೆ ಇದ್ದರೆ  ಎಷ್ಟು ಚಂದ ..

.ಅವನ ಹೃದಯ ಹಾಡುತ್ತಿತ್ತು ಇಂಪಾಗಿ

ಒಂದು ಪ್ರೇಮ ಗೀತೆಯನ್ನು..ಅವಳ ನೆನಪಿನಲ್ಲಿ .

ಎಷ್ಟೊಂದು ದಿನಗಳಾಗಿತ್ತು ಅವಳನ್ನು ಇಷ್ಟ ಪಟ್ಟು .

.ಕಷ್ಟು ಪಟ್ಟು ಅವಳನ್ನು ಮೆಚ್ಚಿಸಿ  .....

ಈಗ ಬಂದಾಯಿತು ಅವಳಿಂದ ಒಪ್ಪಿಗೆ

ಅದಕ್ಕೆ ಇಷ್ಟು ಕುಶಿ

ಪ್ರೀತಿಯೆಂದರೆ ಎಷ್ಟು ಸಿಹಿ

**************************************************

ಪ್ರೇಮಿಗಳಿಗೊಂದು ಕಿವಿ ಮಾತು
***********************

ಜೀವನದ ಏರು ಪೇರುಗಳಲಿ

ಇಡಬೇಕು ಸಮವಾಗಿ ಹೆಜ್ಜೆ

ಇಂಪಾಗಿ ಕುಣಿಯಬೇಕು

ಬಾಳಿನ ಗೆಜ್ಜೆ........

ಇರಲಿ ಒಬ್ಬರಲಿ ಇನ್ನೊಬ್ಬರಿಗೆ ಪ್ರೀತಿ

ಮಮತೆ ಗೌರವ.. ಸದಾ

ಸುಖ   ಕಷ್ಟಗಳಲಿ ಸಮಪಾಲು

ಹೊಂದಿ ಕೊ೦ಡು ಹೋದರೆ ಮಾತ್ರ

ಬಾಳ ಬುತ್ತಿಯಲಿ ನಿಮಗೆ ಸಿಹಿ ಪಾಲು ......

ಈ ಬಂಧ .........

2010-03-25T22:34:00.000-07:00

ಅಮ್ಮ ಎಂಬ ಎರಡಕ್ಷರ

ಏನು ಚೆನ್ನವಮ್ಮ !!

ಮುದ್ದಿನ ಮಗುವಿಗೆ ಅಮ್ಮನ

ಕರೆಯಲು ಎಷ್ಟು ಕುಶಿಯಮ್ಮ!!!

ಗುಮ್ಮನ ಕರೆದರೆ ಸಾಕು

ಅಮ್ಮನ ಮಡಿಲಲಿ

ಬಂದು ಸೇರುವುದು

ಮುದ್ದು ಮಾಡಲು ಕರೆದರೆ ಸಾಕು

ದೂರ ಓಡುವುದು !!

ಕಚಗುಳಿಯಿಕ್ಕಲು ನಕ್ಕು ನಕ್ಕು

ಸುಸ್ತಾಗುವುದು..!!!

ಬೇಸರ ಆದರೆ ಸಿಟ್ಟು ಬಂದರೆ

ಕೂಗುವುದು ಅದು !1

ಕುಶಿಯಲ್ಲಿದ್ದರೆ ನಿದ್ದೆ ಯಲಿದ್ದರು

ನಗು ನಗುತಿರುವುದು !!!

ಮಗುವಿನ ಮನಸು ಎಷ್ಟು ಮುಗ್ಧ

ಅದರ ಪ್ರೀತಿ ಶುದ್ದ ಸುಗಂಧ !!

ಕಲ್ಮಶವಿಲ್ಲದ ಆ ಅನುಬಂಧ

ಸಿಕ್ಕಿದರೆಷ್ಟು ಈ ಬಾಳು ಚಂದ ,,!!!

ಮನದಲಿ ಸಾವಿರ ನೋವಿರಲಿ

ಮಗುವಿನ ಜೊತೆ ನಮಗಿರಲಿ !!

ಎಲ್ಲ ಕಷ್ಟಗಳು ದೂರ ದೂರ

ಮಗುವಿನ ಸನಿಹವೇ ಎಷ್ಟೊಂದು ಮಧುರ..!!!

ಬಾ ಚಂದಮಾಮ ಬೇಗ ಬಾ

2010-02-26T02:16:00.000-08:00

ಚ೦ದಮಾಮ ಏನು ಇದೆ ನಿನ್ನಲಿ
ಯಾಕೆ ಹೀಗೆ ಕಾಡುತೀಯ ಮನದಲಿ

ಮೇಲೆ ನೋಡಿದರೆ ಸಾಕು
ಮೋಡದ ಮುಸುಕಿನಲಿ
ನಗುತ್ತೀಯ...
ನಿನ್ನ ನೆನಿಸಿದ ಕ್ಷಣ
ಬೆಳದಿಂಗಳ ಸವಿಯನ್ನು
ಉಣಿಸುತೀಯ

ಸಂಜೆಯಾದರೆ ಸಾಕು
ಮೆಲ್ಲನೆ ದರ್ಶನ ಕೊಡ್ತೀಯ
ನಿನ್ನಲ್ಲಿ ನೋಟ ಬೆರೆಸಿದರೆ
ಯಾಕೆ ಮೋಡದ ಅಡ್ಡ
ಮರೆಯಾಗುತೀಯ..

ಬಾ ಚಂದಮಾಮ ಬೇಗ ಬಾ

ನಿನಗಾಗಿ ನಾ ಕಾದು
ಕುಳಿತಿರಲು ತಾರೆಗಳ ಜೊತೆ
ಕಣ್ಣ ಮುಚ್ಚಾಲೆ ಆಡುತೀಯ
ನಿದ್ದೆ ಬಾರದೆ ಹೊರಳಾಡಲು
ಮನದಲ್ಲೇ ಈ ನಗುತೀಯ

ನಿನ್ನ ಬೆಳದಿಂಗಳ ಪ್ರೀತಿಲಿ
ನಾ ಮೀಯಬೇಕು
ನೋಟಕ್ಕೆ ನೋಟ ಬೆರೆಸಿ
ನಾ ನಿನ್ನ ನೋದುತಿರಬೇಕು

ನಿನ್ನ ತ೦ಪಿನ ಅಂಗಳದಲಿ
ನಾ ಕುಣಿಯಬೇಕು
ಜಗವೇ ನೆನಪಿರದಷ್ಟು
ನಾ ಮೈ ಮರೆಯಬೇಕು

ನಾ ಕ೦ಡ ಕನಸು

2010-02-03T01:37:00.000-08:00

ನಾ ಕ೦ಡ ಕನಸು
ನನಸಾಗಲೇ ಇಲ್ಲ
ಅದಕ್ಕೆ ನನ್ನ ನೆನಪಾಗಲೇ ಇಲ್ಲ

                      ಬಯಸಿತ್ತು ಮನವು
                   ಪ್ರೀತಿ ತುಂಬಿದ ಹೃದಯ
                 ಆದರೆ ಸಿಕ್ಕಿದು ಕಡೆಗೆ
                ಗಡಿಬಿಡಿಯ ಒಡೆಯ

ಪ್ರೀತಿಯ ಮಾತು ಬಿಡು
ಕಣ್ಣಂಚಲಿ ವಾರೆ ನೋಟ
ಕದ್ದು ನೋಡುವ ಆಟ
ಯಾವುದು ಇಲ್ಲ

                      ತುಂಬಿದ ಸಂಸಾರ
                    ಕೈ ತುಂಬ ಕೆಲಸ
                     ಎಲ್ಲಿದೆ ಹೊತ್ತು
                 ಆಟ ಆಡಲು
                   ಕದ್ದು ನೋಡಲು

ಮೊದ ಮೊದಲು ಬೇಸರ
ಮನವೆಲ್ಲ ಭಾರ ಭಾರ
ಇದೇನಾ ಜೀವನ
ಲೋಕವೆಲ್ಲ ಹೀಗೆನ
ಆದರೆ ಅನುಭವದ ಪಾಠ
ಕಲಿಸಿತು ನೂರ ಒ೦ದು ಮಾತ

2009-12-31T02:32:00.000-08:00

ನನ್ನ ಪ್ರೀತಿಯ ಚಂದಮಾಮ

ನಾನು ಆಡುತಿದ್ದ ನಿನ್ನ ಅಂಗಳ ಯಾಕೆ ಹೀಗೆ ? ನನಗೆ ಈಗ ಜಾಗವೇ ಇಲ್ಲವಾಗಿದೆ ....ನಿನ್ನ ತಂಪಿನ ಆ ತಾಣ ನನಗೆ ಯಾಕೆ ಈಗ ಇಲ್ಲವಾಯಿತು ?

ಅಷ್ಟು ಆನಂದದಿಂದ ನಕ್ಕು ನಲಿಯುತಿದ್ದೆನಲ್ಲ ನಾನು ಕುಣಿಯುತಿದ್ದೆನಲ್ಲ ನಾನು ..ನನ್ನ ನೋವೆಲ್ಲವ ಮರೆತು ನಿನ್ನಲ್ಲಿ ಹಾಯಾಗಿ
ಒಂದಾಗಿ ಇದ್ದೇನಲ್ಲ ನಾನು .ಈಗ ಮಾತ್ರ ನಿನಗೆ ನಾನು ಬೇಡವಾದೆನ ನಾ?

ಒಂದೇ ಒಂದು ಸಲ ನನಗೆ ಅವಕಾಶ ಕೊಡು ಚಂದಮಾಮ ನಿನ್ನಲ್ಲಿಗೆ ಬರಲು ಮತ್ತೆ ನಾನು ನಿನ್ನ ಬಿಟ್ಟು ಹಿಂದೆ ಬರುವುದಿಲ್ಲ ...ನಾ ಮಾಡಿದ ತಪ್ಪನ್ನೆಲ್ಲ ಮನ್ನಿಸಿ ಬಿಡು ...ನಾ ನಿನ್ನಲ್ಲೇ ಒ೦ದಾಗಿ ಇರುವೆ.......

ನಿನ್ನ ಬೆಳದಿಂಗಳ ತಂಪು ನನಗೆ ಬೇಕೇ ಬೇಕು ಚಂದಮಾಮ .....ನಿನ್ನ ಹಾಯಾದ ಅಂಗಳದಲ್ಲಿ ನಾ ಆಡಬೇಕು ,,,,,ಕುಣಿಯ ಬೇಕು,,
ನಿನ್ನ ಆ ಒಂದೇ ಒಂದು ಮುಗುಳು ನಗುವಿನಲ್ಲಿ ನಾ ನಗಬೇಕು..